قلي وايش رايك ؟

قلي و ايش رايـك يا مجنونـي قلت وأنا رجال عند كلمتـي

قلت بخليـك مجنون بعيونـي بخليك تدمن على دفا بوستـي



قلت لك كل الناس بينسونـي الا انت ما تقدر على فرقتـي

قلت لك لو أشواقي عذبونـي انت الوحيد بتمسح دمعتـي



قلت لك لو كل الناس يجونـي أخليهم وأجي أرويك ضمتـي

أنت روحي وحياتي وشجونـي أنت بالنسبه لي نوري وشمعتـي



أنا بدونك أضيع و ما يلقونـي أنت باختصار كل مافي دنيتـي

تعال أحطك برموشي وجفونـي تعال شوف صورك في غرفتـي



تعال و قلي رأيك يا مفتونـي هذي بوستي في قفـا صورتـي

تعال وناظـر في وسط عيونـي تلاقي نفسك متربع في مقلتـي



أحبك قلتها لك وتدمع عيونـي أنت بـهالدنيا حلمي ومنيتـي

عساهم من شوفتك مايحرمونـي وعسى الله ما يحرمك شوفتـي